తన రాక కోసం

తన రాక కోసం

నచ్చిన నెచ్చెలి చెప్పే

తొలకరి చినుకుల్లాంటి ముద్దు మాటల్లో

ముద్దగా తడిసిపోవాలని

తొలి వేకువ నుండి ఎదురుచూస్తుంటాను

ఒంటరిగా కాదులెండి

తోడుగా ఆమె తలపులు

తను ఒకసారి వచ్చి

వేల వసంతాలను కానుకిచ్చివెళుతుంది

అనుభూతుల వానలో తడిపి

ఆరేలోపు వచ్చేస్తానంటుంది

నాకు మాత్రం

మనసు కన్నులతో చెప్పిన ముచ్చట్ల తో

రేయి కల లా సాగిపోతుంది

నెచ్చెలి తెచ్చే నవ్వుల కోసం

ఎదురుచూపుల్లో మళ్ళా వెన్నెల వచ్చేస్తుంది